Во бугарскиот град Добрич беа одбележани 110 години од Добричката епопеја

Во бугарскиот град Добрич на 7 септември со свечена воена церемонија беа одбележани 110 години од Добричката епопеја, една од значајните битки на Добруџанскиот фронт во Првата светска војна, јавува Армимедија.

На плоштадот „Демократија“ учествуваа почесна гарда и Репрезентативниот дувачки оркестар на бугарските Военноморски сили, а почесната гарда ја прими началникот на одбраната на Бугарија, адмирал Емил Ефтимов.

Градоначалникот на Добрич, Јордан Јорданов, потсети на подвигот на бугарските војници и на помошта што жителите на градот им ја давале за време на борбите.

„Да не ја заборавиме храброста на генерал Колев и неговите коњаници, но и луѓето од Добрич, кои биле покрај војниците со вода, храна, засолниште и грижа за ранетите“, рече Јорданов.

Меѓу 5 и 7 септември 1916 година бугарските сили воделе тешки борби за Добрич.

По повод годишнината, во Регионалниот историски музеј е поставена изложбата „Ослободувањето на Добруџа за време на Првата светска војна 1916–1917 година“, со оригинални фотографии, документи, униформи, оружје, одликувања и предмети од фронтот. Поставката вклучува и реконструкција на ров со митралеско гнездо.

Изложбата ќе биде отворена до крајот на јануари 2027 година.