ДУИ: Мицкоски размислува за избори, а ВЛЕН се плаши од народот

ДУИ соопшти дека неодамнешните изјави на лидерот на ВМРО-ДПМНЕ, Христијан Мицкоски, кој не ја исклучува можноста за предвремени парламентарни избори по локалните, укажуваат на тоа дека тој е подготвен за нова изборна пресметка.

Од партијата велат дека проблемот не е кај Мицкоски, туку кај неговите албански сојузници од ВЛЕН, кои, според нив, прават сè за да ги избегнат изборите.

„ВЛЕН многу добро знае дека по 19 октомври, Мицкоски повеќе нема да може да се крие, затоа што Албанците ќе ги казнат за покорноста, за неуспесите и за вкупниот недостиг на легитимитет. Тие знаат дека изборите ќе бидат конечната пресуда за една коалиција која ја изгубила политичката достоинственост на секој Албанец што ја поддржал,“ велат од ДУИ.

Според партијата, додека Мицкоски отворено зборува за можноста за избори, ВЛЕН се обидува да ги избегне со, како што наведуваат, „бедни изговори“ за дополнителни трошоци и потреба од стабилност.

„Да потсетиме, трошоците за избори се многу помали од штетата што ја предизвикаа со деградација, фиктивни договори и продажба на јавен имот,“ стои во соопштението.

ДУИ нагласува дека вистината е поинаква: „ВЛЕН се плаши од избори, затоа што знае дека секој албански глас ќе биде глас против нив. Наместо да се подготват за отчетност, тие се кријат зад својот политички господар, знаејќи дека без ВМРО немаат ниту глас, ниту сила, ниту влијание.“

Во реакцијата се додава дека „нивниот страв не е од изборите, туку од народот“, бидејќи, како што наведуваат, народот ја прочитал политичката реалност: „Предавство, слугинштво и понижување.“

ДУИ истакнува дека бара избори и дека ги поздравува во секој момент.
„Изборите се најправичен мерен инструмент на волјата на народот и најдемократскиот начин да се тестира довербата. Оние што се плашат, се тие што знаат дека ја изгубиле таа доверба,“ велат од партијата.

„ВЛЕН го моли шефот да нема избори. Ние го бараме народот да зборува со својот глас. Разликата е јасна: Тие молат за власт, ние работиме за достоинство,“ завршува реакцијата на ДУИ.