Два бугарски ресторани добија признанија од Светските кулинарски награди
Два бугарски ресторани се одликувани од Светските кулинарски награди, се наведува на веб-страницата на настанот.
Во категоријата „Најдобар ресторан во Бугарија“ за 2022 година, победник е софискиот гурмански ресторан „Cosmos“.
Во категоријата „Најдобар хотелски ресторан во Бугарија“ за 2022 година, наградата оди кај медитеранскиот ресторан „Коме Прима“ на Кемпински Хотел Гранд Арена Банско.
Гласањето се одржа онлајн на официјалната страница на организацијата и беше отворено од 7 јуни до 31 август 2022 година, како за професионалците од кулинарската индустрија, така и за пошироката јавност во повеќе категории, се вели во соопштението од „Кемпински“, добиено во БТА. Церемонијата на доделувањето беше одржана претходно оваа недела во Дубаи.
Светските кулинарски награди имаат за цел да ги подигнат стандардите во кулинарската индустрија наградувајќи ги организациите кои се лидери во својата област. Тие се создадени со цел да служат како еталон за врвни постигнувања во кулинарската сфера.
