Две бугарски салати меѓу трите најдобри салати во светот според „ТasteAtlas“
Две бугарски и една грчка салати ги зазедоа првите три места на светската листа на најдобри салати на гастрономскиот водич TasteAtlas. На врвот е критската салата „Дакос“, а веднаш зад неа се бугарските „Овчарска“ и „Снежанка“, јавува БГНЕС.
Во топ 10 се најде и шопската салата, рангирана на осмото место, додека грчката салата е шеста. „Снежанка“ ја надмина и познатата грчка салата „Ѕаѕики“. Надвор од првата десетка останаа светски познатите салати „Фатуш“ и „Капрезе“.
