Еден починат, а уште едно лице повредено откако се затруле на свињарска фарма во Светиниколско
Едно лице починало, а друго е пренесено во комплексот клиники „Мајка Тереза“ во Скопје откако се затруле од хемиска материја на свињарска фарма во светиниколското село Амзабегово.
Настанот во СВР-Штип е пријавен во 11.01 часот, а се случил околу 10.30 часот. На лице место починал работникот О.Т., а второто лице, 53-годишен маж е пренесен на комплексот клиники „Мајка Тереза“ во Скопје, велат од полицијата.
Телото на починатиот работник според надлежните ќе биде предадено на обдукција, а повеќе информации за оваа трагедија се најавени за утре.
