ЕРДОГАН: НЕ ВЕРУВАМ ДЕКА МОРСИ ПОЧИНА ОД ПРИРОДНА СМРТ

Претседателот на Турција Реџеп Таип Ердоган изјави дека не верува поранешниот претседател на Египет, Мохамед Морси починал од природна смрт.

Ердоган ја даде изјавата во џамија кадешто стотици луѓе се молеа за покојниот претседател, кој беше симнат од власт со воен преврат во 2013 г.

„Морси го почна својот пат кон Бог, но дали неговото заминување беше нормално или постојат други причини, треба да се провери. Не верувам дека Морси почина од природна смрт“- исткна Ердоган.

Мохамед Морси почина во понеделникот, за време на последното судско рочиште за случајот во кој, поранешниот претседател на Египет беше обвинет во шпионирање против сопствената земја.