ФАТЕН СТОРИТЕЛОТ ШТО КРАДЕЛ БИСТИ ВО ГРАДСКИТЕ ГРОБИШТА БУТЕЛ

По писмо до нашата редакција од граѓанин, кој се жали дека е украдена биста од гробно место на негов близок, стапивме во контакт со службеници од обезбедувањето на Градски гробишта Бутел.

Од таму не информираа дека сторителот со иницијали М.С. е уапсен од полицијата на 2 јули, а неколку дена порано на 28 јуни истиот човек е забележан од обезбедувањето и е бркан од нивна страна.

Нашиот извор нѐ информира дека веднаш по приведувањето на сторителот е извршено препознавање и истиот го признал делото. Од истиот извор дознаваме дека во изминатиот период пред апсењето на сторителот од гробишта Бутел се откраднати околу 70 бисти.