ФЕТАИ БАРА ОДГОВОРИ ОД МИНИСТЕРСТВОТО ЗА ЕКСТРАДИЦИЈАТА НА ДЕМИРИ И ИСМАИЛОВИЌ
Пред почетокот на главната расправа на денешното рочиште за случајот „Монструм“, обвинителката Фатиме Фетаи побара од судот да се обрати до Министерството за правда за добивање на конкретни одговори околу екстардицијата на обвинетите Алил Демири и Африм Исмаиловиќ кои се засолнети во Косово, јавува Фокус.
„Доколку може да добиеме конкретен одговор од Министерството за правда дали воопшто е започната постапка за екстрадиција и дали нешто преземаат косовските власти. Сите досега добиени одговори беа исти, постапката е во тек“, рече обвинителката Фетаи.
