Филмот „Made in EU“ на Стефан Командарев со Големата награда на фестивалот „Златна роза“
Филмот „Made in EU“, во режија на Стефан Командарев, ја доби Големата награда за долгометражен игран филм на 43-то издание на Фестивалот на бугарскиот филм „Златна роза“ во Варна, јавува БНР. Жирито го оцени како бескомпромисно дело кое, покрај тоа што го одразува духот на современа Бугарија – тесноградоста, стравот и покорноста – внесува и надеж во младите луѓе. „Made in EU“ ја доби и наградата на младинското жири на фестивалот.
Специјалната награда на жирито за долгометражен филм му припадна на „Стадото“ на режисерот Милко Лазаров, кој е бугарскиот кандидат за „Оскар“ оваа година. „Стадото“ беше награден и за музика – композиторката Пенка Кунева, за операторско мајсторство – Калојан Божилов, како и со признанието на Гилдия „Критика“ при Сојузот на бугарските филмски дејци.
Наградата за машка улога ја доби Стојан Дојчев за изведбата во „Пакет вечност“, додека за женска улога беше наградена Гергана Плетњова за својата игра во „Made in EU“.
