Фондација „Бугарска памет“: Лекари од три бугарски универзитетски болници ќе прегледуваат жители на Мала Преспа

Вториот дел од годинашните бесплатни превентивни медицински прегледи за жителите на областа Мала Преспа во Албанија, каде што живее и автохтоно бугарско население, ќе се одржи на 25 и 26 септември, јавуваат од Фондацијата „Бугарска памет“.

Медицинската иницијатива на Фондацијата „Бугарска памет“ ќе обедини водечки бугарски специјалисти, кои ќе вршат прегледи од областа на мамологијата, урологијата, гастроентерологијата, пулмологијата, оториноларингологијата и ортопедијата.

Медицинскиот тим ќе го предводи проф. Иван Гаврилов, раководител на Клиниката за торакална хирургија при Универзитетската специјализирана болница за активно лекување по онкологија „Проф. Иван Черноземски“.

Во тимот ќе учествува и гастроентерологот доц. Никола Бојанов од Универзитетската болница „Плмед“ во Пловдив, која е главен болнички партнер во вториот дел од прегледите.

Во медицинската мисија ќе учествуваат лекари од три универзитетски болници – УСБАЛ по онкологија „Проф. Иван Черноземски“ во Софија, УМБАЛ „Плмед“ во Пловдив и УМБАЛ „Св. Ана“ во Софија.