ГДУ-ШТИП: РАБОТНИЦИТЕ МОРА ДА БИДАТ НА КОЛЕКТИВЕН ОДМОР!

„ГДУ-Штип апелира до Владата како и до градоначалникот и локалните власти после регистрирањето на нови случаеви на Корона вирус во нашиот град да бидат воведени порадикални мерки, со цел да се спречи проширувањето на вирусот.

1. Сите производствени капацитети, особено во градовите (населените места) и регионите во кои има регистрирани случаеви да бидат затворени, а работниците да бидат на колективен одмор барем 30 дена.
2. Владата да ги покрие трошоците за плати, давачки и други трошоци, да ги замрзне кредитите, кириите и другите давачки на правните субјекти на кои ќе им се наложи мерката за колективен одмор.
3. Редовни полициски патроли, повисоко полициско присуство низ градот како и стриктни полициски контроли на лицата кои се во самоизолација.
4. Објавување во јавен регистар на имињата и адресите на заразените, како и лицата поставени под домашна изолација по примерот на Црна Гора.

Почитувани штипјани останете дома, не го ризикувајте вашето и здравјето на вашите семејства“, се вели во соопштението на ГДУ-Штип.