Генерал Рос: Партнерството меѓу Бугарија и Националната гарда на Тенеси се гради веќе 33 години

Партнерството меѓу Бугарија и Националната гарда на американската сојузна држава Тенеси веќе 33 години се развива преку заедничка обука, професионална доверба и лични врски, соопшти Амбасадата на САД во Софија, пренесувајќи делови од интервјуто на генерал-мајор Ворнер Рос за емисијата „Панорама“ на Бугарската национална телевизија (БНТ).

„Некои од моите најдобри пријатели носат бугарски униформи“, изјави Рос, осврнувајќи се на повеќе од тридецениската соработка.

Во интервјуто, генералот зборуваше и за модернизацијата на бугарските вооружени сили, вклучително и за авионите Ф-16 и борбените возила „Страјкер“. Тој нагласи дека новите технологии имаат најголема вредност кога се придружени со добро обучени војници и одговорни институции.

Според објавата на американската амбасада, партнерството, започнато во 1993 година, ги надминало рамките на заедничките обуки. Во неговата основа се споделените искуства, професионалната доверба и личните врски изградени низ долгогодишна заедничка работа.

„За Бугарија и Тенеси, ‘Посилни заедно’ не е само порака. Тоа е партнерство што се гради веќе 33 години и продолжува да се развива“, наведува Амбасадата на САД во Софија.