ВИДЕО: Иванов со иницијатива за потпишување на договор за стратешко партнерство со Бугарија
Претседателот на Република Македонија Ѓорѓе Иванов за време на денешната заедничка прес конференција со својот бугарски колега Румен Радев изјави дека веќе е отворена темата за идно потпишување на Договор за стратешко партнерство меѓу Македонија и Бугарија. Според Иванов ваквиот договор ќе ги надогради односите меѓу двете земји после стапувањето во сила на Договорот за добрососедство и пријателство. Иванов е дециден дека договорот за стратешко партнерство ќе ја потврди определбата за блиски и пријателски односи меѓу нашите две земји (Македонија и Бугарија). Претседателот Иванов потсети дека Македонија веќе има потпишано договор за стратешко партнерство со САД и Република Турција.
