Изет Меџити: Чаир ќе го добие Младинскиот Центар, домот на младинските идеи и иновации

Кандидатот за градоначалник на Општина Чаир од коалицијата ВЛЕН, Изет Меџити, заедно со кандидатот за општински советник, Аритон Рама, денес го претставија еден од главните приоритети од нивната изборна програма – изградбата на Младински центар. Проектот има за цел да создаде простор за младите во општината, каде тие ќе можат да се развиваат, да бидат креативни и иновативни.

„Со особено задоволство го претставувам еден од најзначајните проекти – Младинскиот центар на Чаир. Тој ја отсликува мојата визија за модерен и напреден Чаир, кој ќе обезбеди можности и поддршка за талентираните млади. Ова нема да биде само објект, туку вистинска платформа за учење, создавање и градење на иднината,“ изјави Меџити.

Аритон Рама, кандидатот за советник, ги објасни деталите за просториите што ќе ги содржи центарот. Според него, објектот ќе биде на четири нивоа:

Библиотека и сала за предавања – наменети за учење, истражување и културни настани.

Дигитален центар – со лабораторија за вештачка интелигенција, бесплатни курсеви за програмирање и дигитална писменост, како и простор за стартапи и менторство.

STEM академија – со обуки од областа на технологијата, науката, уметноста и математиката.

Креативни простории – за театар, советување и разни активности каде младите ќе можат слободно да се изразуваат.

Меџити и Рама нагласија дека со оваа иницијатива Чаир ќе се позиционира како центар на иновации, образование и младинска креативност, давајќи им на младите генерации можност активно да ја градат својата иднина.