Изложба во БКИЦ во Скопје: 125 години од создавањето на уметничката колекција на градот Казанл’к
На 22.01.2026 година, во четврток, со почеток во 18:00 часот, ќе се одржи отворањето на изложбата „National/local – Национално/локално“, посветена на 125 години од создавањето на една од најстарите уметнички колекции во Бугарија.
Настанот ја одбележува значајната годишнина од формирањето на уметничкото наследство на уметничката галерија во бугарскиот град Казанл’к и ја истакнува врската меѓу националниот и локалниот културен контекст.
Изложбата се реализира со поддршка на Културно-информациониот центар на Република Бугарија во Скопје и има за цел да ја претстави историската и современата вредност на една од најстарите уметнички колекции во Бугарија.
