Изложбата „Софија – Истанбул: Мост на уметноста“ ќе биде отворена во железната црква „Св. Стефан“ во Истанбул

Во Железната црква „Свети Стефан“ во Истанбул, на 11 јуни од 18:00 часот, ќе биде отворена изложба во рамките на иницијативата „Софија – Истанбул: Мост на уметноста“, јавува БНР. Таа е организирана како дел од меѓународен проект посветен на современиот културен дијалог меѓу Бугарија и Турција, кој обединува дела на етаблирани и современи автори поврзани со двете земји.

Кураторката Јулија Врбанова за БНР изјави дека во рамките на иницијативата се предвидени неколку изложби. Следната изложба ќе се одржи од 1 до 16 август во престижната галерија „Истиклал“ на познатиот истанбулски булевар.

„Идејата е овој мост на уметноста да надмине сè. Уметноста е над сè – над политиката, над лошите односи, над негативните енергии.

Ова се уметници кои се поврзани со двете земји – Бугарија и Турција. Тоа се истите кои учествуваа и на изложбата во Шипка 6 во декември минатата година. Изборот е јасен – врска меѓу Бугарија и Турција. Тоа е основната линија. Тие се многу талентирани и познати во двете држави. Не би рекла дека во нивните дела има одраз на Бугарија или Турција, или на врската меѓу овие земји. Секој има свој творечки пат“, изјави Врбанова.

„Подготвуваме продолжение на проектот за следната година“, откри однапред Врбанова.