Јетон Шаќири ќе биде министер за образование и наука

/

Али Ахмети и Димитар Ковачевски сепак ќе менуваат ресори. Образование оди во блокот на ДУИ, а нов министер ќе биде актуелниот прв човек на Министерството за информатичко општество и администрација – Јетон Шаќири, кој претходно се најавуваше како министер за земјоделство, пренесе тв24.

Министерството за земјоделство, пак, се враќа кај СДСМ, и не се исклучува актуелниот заменик Трајан Димковски да биде нов министер.

Менувањето на ресори доаѓа откако Алтернатива го доби Министерството за информатичко општество, а од СДСМ најавија дека Мила Царовска нема да се најде во новата Влада, по што и таа кажа дека не се гледа во неа.

Според дел од високи партиски функционери на СДСМ, рокадата на ресори ја гледаат и како можност за спласнување на негативната енергија во јавноста која што беше предизвикана од актуелната министерка во заминување.



Освен Царовска, извесно е дека во новата Влада нема да се најдат ниту Радмила Шекеринска, како и Венко Филипче.

Новиот лидер на СДСМ, ги прави контурите на новиот кабинет. Според неофицијалните информации, се уште нема пресечено за некои ресори, меѓу кои МВР.

Претходна статија

Косово ќе поднесе барање за членство во ЕУ

Следна статија

Бислимоски за цената на струјата: Нѐ чека тешка година, сите треба да сме солидарни

Најново од Вести