КИМ ЏОНГ-УН ВЕТИ БОРБА ПРОТИВ САНКЦИИТЕ
Водачот на Северна Кореја, Ким Џонг-ун, вети дека ќе ги совлада меѓународните санкции, за кои рече дека донеле „многу тешкотии и искушенија“ за неговата земја.
Државните медиуми денес го прикажаа Ким како се качува на планината Пекту на бел коњ.
Пекту, највисокиот врв на Корејскиот Полуостров, Севернокорејците го сметаат за свет, а Ким често оди таму пред да донесе најважни одлуки, како што беше влегување во преговори со САД и Јужна Кореја минатата година.
Агенцијата КЦНА објави дека Ким, исто така, ги посетил околните градежни места и зборувал против санкциите воведени заради севернокорејската нуклеарна програма.
Нуклеарните разговори меѓу САД и Северна Кореја пропаднаа претходно овој месец.