КИРАЦОВСКИ: ЌЕ ИМА ПРАВДА, ГРУЕВСКИ НЕ Е ДОСТОЕН ДА БИДЕ ПРАТЕНИК
Генералниот секретар на СДСМ, Александар Кирацовски, изјави дека одлуката за одземање на пратеничкиот мандат на Никола Груевски треба да послужи како пример за сите функционери особено за сегашните кои се огрешиле према законот. Тој подвлече дека правда ќе има и побара од Комисијата за мандатно имунитетни прашања да го одземе мандатот на Никола Груевски. Кирацовски истакна дека презумпцијата за невиност во случајот на Груевски е исцрпена бидејќи против него има правосилна судска пресуда и упат за издржување на неговата затворска казна во Идризово. Кирацовски ги отфрли обвинувањата на Вељаноски дека Владата врши политички прогон против неистомислениците.
