Ќе се снима биографски игран филм за Лили Иванова- најголемата ѕвезда на бугарската естрада
Ќе се снима игран филм за животот на најголемата ѕвезда на бугарската поп музика – Лили Иванова, јавува БНР.
Филмот е со работен наслов „Лили – љубовта е живот“. Продукцијата е заеднички проект на фондацијата „Лили Иванова“ и продукциската куќа „Меѓустаница“ на Иван Христов и Андреј Арнаудов.
Сценариото е доверено на Емил Бонев, автор на успешниот филм „Гунди – легенда за љубов“. Режисерка е Јана Титова, позната по филмовите „Доза среќа“ и „Дијада“, а директор на фотографија е Мартин Балкански. Извршен продуцент е Васил Буљански. Премиерата е планирана за 2027 година.
„Благодарам на целиот тим на ‚Меѓустаница‘ за почитта, односот и професионализмот! Здравје, среќа и многу успеси! Со целото мое почитување“, напиша Лили Иванова на својот роденден – 24 април, на социјалните мрежи.
