КОНЕЧНО: НОВИОТ КЛИНИЧКИ ЦЕНТАР ЌЕ СЕ ГРАДИ ВО ЃОРЧЕ ПЕТРОВ
Новиот Клинички центар ќе се гради во општината Ѓорче Петров, потврди министерот за здравство, Венко Филипче откако на владината седница помина одлуката за избор на новата локација.
Како што информира министерот Филипче во конкуренција за овој избор биле трите локации и тоа во Карпош, Ѓорче Петров и Петровец.
До крајот на годината треба да бидат удрени темелите на новиот клинички центар кој треба да чини од 420 до 500 милиони евра, а во меѓувреме ќе се бара инвеститор.
