Корнелија Нинова претседателката на БСП поднесе оставка

Корнелија Нинова, претседателката на Бугарската социјалистичка партија БСП поднесе оставка, јавува БГНЕС.
„Службениот кабинет да си се грижи за кризите. Ја преземам целосната одговорност. Јас сум виновна што молчев кога требаше да зборувам и да ја кажам вистината, па дадов оставка“, изјави Нинова.

„Добивме покана да преговараме за влада, ја прифативме поканата. Почнуваме преговори за влада со Кирил Петков и Асен Василев. За излез од кризата треба итно да се донесат важни одлуки“, рече Нинова.

„БСП е со катастрофален изборен резултат, особено откако го загубивме третото и стигнавме на четвртото место со гласовите за ДПС од Турција“, додаде Нинова.

„Опозицијата во БСП во изминатите години се огледуваше на Борисов, со дупките во Варна, со јавните набавки и работата на оваа опозиција беше да ја уништи БСП од внатре. Не ја префрлам вината на никого. Борисов падна од власт и оваа опозиција се префрли во службениот кабинет. Опозицијата во БСП работи за партијата „Продолжуваме со промената“. Ова е факт. Новата претседателска партија „Продолжуваме со промената“ која според проценките на ЦИК и социолозите е меѓу 10 и 15 отсто од БСП“, рече Нинова.

„Извршното биро за оваа сабота свикува состанок на Националниот совет. Тој треба да даде мандат за водење на преговори за составување на влада и да свика Конгрес на почетокот на јануари, веројатно да ја констатира мојата оставка, да нема забуни, да нема толкувања“, додаде Нинова.

„БСП е партија на ред и правила. Откако Конгресот ќе ја констатира мојата оставка, еден од моите сегашни заменици ќе организира директни избори за следен претседател на БСП. Дотогаш водиме сериозни длабински, разумни и одговорни разговори за формирање влада и за извлекување на Бугарија од кризата и за помош на народот“, изјави Нинова.