Ковачевски: Субвенциите за земјоделците за 2023 година ќе се исплаќаат уште на почетокот на првиот квартал од годината

/

Во следната 2023 година исплатата на субвенциите за земјоделците ќе започне уште во текот на првиот квартал. Тоа се предвидува со новиот концепт за субвенционирање, најави денеска премиерот Димитар Ковачевски.

-Нашиот план е штом ќе се донесе буџетот за 2023 година веднаш на Влада да биде донесена програмата за поддршка на земјоделството и истиот ден да почне исплатата на субвенциите, рече Ковачевски во одговор на пратеничко прашање на денешната собраниска седница посветена на пратенички прашања.

Тоа, како што рече, значи дека нема да се чека да заврши првиот квартал или да почне вториот квартал во 2023 година, туку уште на почетокот на првиот квартал, односно на самиот почеток на идната година ќе им бидат исплатени субвенциите на земјоделците.



Премиерот ги повика сите заинтересирани да учествуваат во конципирањето на новиот концепт на субвенционирање. 

Претходна статија

Спасовски на средба со холандскиот заменик генерален директор за управување со меѓународна миграција

Следна статија

Шаќири: Во текот на првото полугодие ќе бидат готови учебниците

Најново од Вести