КУРЦ: ГЛАСАЈТЕ „ЗА “ ДОГОВОРОТ И „ЗА“ ЕВРОПСКА МАКЕДОНИЈА (ВИДЕО)

Решавањето на прашањето за името е голема шанса за динамика на Македонија и на целиот регион. Го поздравувам постигнатиот компромис и ги повикувам граѓаните да учествуваат на претстојниот референдум и да гласаат „за“ договорот и „за“ европската перспектива на Македонија, истакна австрискиот канцелар Себастијан Курц на заедничката прес-конференција со македонскиот премиер Зоран Заев.

„Австрија е пријател на регионот а заедно со Македонија имаме силно човечко пријателство и историја. За Македонија со решението на спорот со името се дојде до динамика за државата. Би сакал што повеќе луѓе да учествуваат на овој референдум, да се изјавнат „за“ на референдумот. Не е мое да ја направам одлуката, но како пријател на Македонија ние ќе сметаме дека би било позитивно ако има големо учесво на референдумот“, соопшти Курц.

– Посетата на господинот Курц ни дава до знаење дека сме на вистинскиот европски пат. Светот го препозна отвореното чувство на отпимизам. Сигурен сум дека зад поканата за членство во Европската Унија стои и австриското претседателство со Унијата. На крајот дозволете ми да ја изразам благодарноста што Австрија ја вбројуваме во најзначајните економски партнери – , рече премиерот Заев по средбата со австрискиот канцелар.