Лекарите од болницата „Проф. Александар Чирков“ спасија пациент со огромен тумор во срцето и црниот дроб

Лекарите од бугарската болницата „Проф. Александар Чирков“ спасија пациент со огромен тумор во срцето и црниот дроб. Ретката операција е извршена на 60-годишен маж кој веќе закрепнува, соопштија од медицинската установа.

Туморот од 7 на 9 сантиметри ја зафатил и речиси целосно ја исполнил десната преткоморна празнина на срцето што можело да предизвика затнување на белодробните артерии и белиот дроб.
Од болницата прецизираат дека по приемот на пациентката е направено скенирање кое ги открило малигните израстоци во шуплините на срцето и присуството на две огромни туморски жаришта во црниот дроб.

Тим на Клиниката за кардиохирургија под раководство на проф. Димитар Петков целосно ги отстранил туморите од срцето и од целата долна празна вена лоцирана во делот на црниот дроб.
Пациентот е стабилизиран, во добра општа состојба и веќе ја напуштил болницата. Се чекаат резултатите од хистолошката анализа која ќе утврди какво треба да биде понатамошното лекување.

За кардиохирурзите од УМБАЛ „Проф. д-р Александар Чирков“ вакви операции не се реткост. Пред два месеци лекарите отстранија тумор од 10 сантиметри од срцето на 40-годишен пациент. Тие израстоци можат да бидат бенигни, малигни, поради инфекции и вродени состојби.
Во просек, годишно таму се примаат околу 10-12 пациенти со слична дијагноза.