МАКЕДОНИЈА ЌЕ СТАНЕ ДЕЛ ОД НАТО ПО ИМПЛЕМЕНТАЦИЈАТА НА ДОГОВОРОТ СО ГРЦИЈА
Според нацрт заклучоците на Самитот на НАТО Македонија денеска ќе добие покана за старт на преговори за членство во Алијансата а ќе се зачлени откако ќе ги реши сите внатрешни процедури.
Од Алијансата го поздравуваат историскиот договор помеѓу Атина и Скопје за решение за спорот за името и подвлекуваат дека решението на спорот за името е услов за успешно заокружување на пристапниот процес.
Во нацрт заклучоците се вели уште дека НАТО ги поздравува напорите на Владата и значајниот напредок што е постигнат за одредени итни реформски приоритети. НАТО исто така го поздравува и македонскиот придонес во неговите мисии и меѓународната безбедност.
