Манастир од 1589 година е новото седиште на Бугарското училиште во Фиренца

Од 1 февруари Бугарското училиште во Фиренца има ново седиште на улицата „Софиано“ бр. 3. За тоа информираат од Бугарското училиште Рим и Фиренца преку Фејсбук, пренесува БНР.

„Како и самото име на улицата да навестува дека ова е нашето место! Нашите бугарско-фирентински дечиња ја користат базата на манастир од 1589 година, во кој живеат монахини. Историјата на зградата е поврзана со Фердинанд I Медичи и со големиот војвода на Тоскана Фердинанд III фон Хабсбург-Лотарингија. Денес нашите деца учат опкружени со историјата и убавината што ја оставиле градителите на европската Ренесанса, издигнувајќи го човечкиот дух преку културата, уметноста и науката. Инспирацијата и ентузијазмот се најдобрата форма на образование и токму тоа е основата врз која се обидуваме да ги воспитуваме нашите деца. Убавината и човечките идеали, наметнати низ времето, се изворот на „различното“ училиште што се обидуваме да го создадеме. Од срце им благодариме на сестра Бенедета и Даниела Стојанова што успеавме да го откриеме ова фирентинско богатство!“, наведуваат од училиштето.

Бугарското училиште „Асен и Илија Пејкови“ во Рим е основано во 2014 година од родољубиви родители како одговор на потребата од структурирано и систематско образование по бугарски јазик и литература, историја, географија, култура и традиции на Бугарија за децата кои живеат во Италија.

Од 2015 година училиштето е член на Асоцијацијата на неделните училишта во странство. Во 2022 година училиштето се реорганизира, при што, покрај седиштето во Рим, отвора врати и филијала во Фиренца.