Матуранти од Бургас даруваат крв како дел од иницијативата „Тоа не си го правел“ на болницата во црноморскиот град

Матурантите од Бургас со благороден гест. Tие со колективна крводарителска акција ќе го одбележуат преминот во зрелоста. Иницијативата „Тоа не си го правел“, организирана од УМБАЛ Бургас, ги охрабрува матурантите да придонесат за општеството на смислен начин. Иницијативата стартувала во 2018 година, јавува БГНЕС.

Ученици од шест училишта во Бургас веќе даруваа крв. Меѓу нив има и матуранти од Гимназијата по германски јазик „Гете“, Гимназијата по англиски јазик „Гео Милев“, Стопанската гимназија и Стручната гимназија за машинство и електротехника.

Денеска се изврши организирано дарување крв на ученици од Средното стручно училиште за градежништво, архитектура и геодезија „Коле Фичето“ – Бургас.

УМБАЛ Бургас продолжува да апелира до матурантите да се приклучат на иницијативата и да го направат својот прв чекор во животот на возрасните со благородна кауза.