МИНИСТРЕ, СЕСТРИТЕ НЕ ЖИВЕАТ ОД БЛАГОДАРАМ!

//

„Утрово се сретнав со колешките Зорица, Силвана и Дивна, медицински сестри од Инфективната Клиника. Тие изминативе седум месеци се на првата линија во борбата со пандемијата. За нивната посветеност и неуморна работа им изразив огромна благодарност. Кога се работи во такви тешки услови со многу стрес и замор, разбирливо е да дојде до потреба за промена за што целосно ги разбирам. Сепак, утрово ги поканив на разговор и разговаравме да останат на Клиниката каде нивната работа неизмерно се вреднува. Се договоривме после заслужениот одмор кој го земаа повторно да разговараме и да најдеме начин да продолжиме заедно во битката со Ковид на Инфективната Клиника. Секој човек во здравството е важен и ќе направам се за да ги мотивирам здравствените работници“, напиша Филипче.

Главната медицинска сестра на Инфективна клиника, Зорица Љубичиќ Митиќ, завчера дала отказ на работното место, а тоа во изминатата недела го сториле уште две медицински сестри од клиниката.

„Причините за да ја напуштам Клиниката по 28 години професионална посветеност се многубројни, но би навела само една: Непочитување и деградирање на профилот медицинска сестра, како една од најважните алки во медицинскиот тим,“ напишала Љубичиќ Митиќ во отказното писмо упатено до раководството на Инфективна.



Претходна статија

(ВИДЕО) ШТО Е ТОА ШТО КУЧЕТО ГО ПРАВИ ПОДОБРО ОД МАЖОТ…?

Следна статија

ГЕЈТС: ВАКЦИНАТА ПРОТИВ COVID-19 НЕМА ДА МОЖЕ ДА ГИ ПОКРИЕ ЦЕЛОСНО СИРОМАШНИТЕ ЗЕМЈИ

Најново од Вести