МНР на Бугарија: Нема француска иницијатива за решавање на спорот меѓу Софија и Скопје
Нема француски предлог за решавање на бугарско-македонскиот спор. Ова за БГНЕС го изјавија дипломатски извори од Европската комисија.
„Нема таков предлог во дипломатските анали“, соопштија бугарските дипломати од Брисел.
Од бугарското МНР за БГНЕС велат дека не се информирани за ваквата француска иницијатива.
Претходно македонскиот вицепремиер Артан Груби изјави дека има иницијатива од Франција за решавање на спорот меѓу РС Македонија и Бугарија.
„Постои француска иницијатива да седне на маса, да се надминат сите разлики, така што во наредните месеци од 2022 година, напролет, ќе се одржи првата меѓувладина конференција“, рече тој.
