МНР на Бугарија: РСМ ќе продолжи кон ЕУ доколку ги почитува правата на македонските Бугари

//

Бугарија и врачи остра протестна нота на македонската амбасадорка во Софија. Отсуството на соодветни мерки од страна на македонските власти создава услови за повторување на злосторствата од омраза врз македонските Бугари. РС Македонија ќе го продолжи својот пат кон Европската унија само под услов ако ги почитува правата на македонските Бугари.

Ова го изјави заменик министерот за надворешни работи, Костадин Коџабашев, јавува БГНЕС.

Денеска беше повикана амбасадорката на РСМ во Бугарија и и беше врачена протестна нота. На средбата беше истакнато дека Бугарија очекува надлежните органи во РС Македонија веднаш да ги преземат сите неопходни дејствија за откривање и изведување пред лицето на правдата на сторителите на кривичното дело, изјави заменик министерот Коџабашев.

Тој посочи дека Агнеза Поповска уверувала дека надлежните институции го истражуваат случајот со цел да се откријат сторителите.

„Министерот Милков синоќа во Барселона разговараше со неговиот колега Османи и остро го покрена прашањето за тековната ескалација. Османи се обврза што побрзо македонската страна да дознае што се случило“, рече Коџабашев.

Ова кривично дело е трет напад врз клубот Цар Борис III за помалку од два месеци. Претходниот напад беше извршен пред само два дена, за што Министерството за надворешни работи на Бугарија испрати вербална нота до амбасадата на Северна Македонија во Софија. Ја забележуваме реакцијата на Министерството за надворешни работи на Северна Македонија, но категорично не прифаќаме вакви тешки кривични дела да се дефинираат како вандалски чин, нагласи Коџабашев.



Во контекст на зголемениот интерес за темата односите на Бугарија со Северна Македонија, на брифингот присуствуваше д-р Милен Врабевски, основач на Фондацијата „Бугарска памет“, која спроведува голем број иницијативи за едукативна и професионална реализација на младите луѓе во Бугарија и Европа вклучувајќи ги и од Република Северна Македонија. Иницијативите на Фондацијата се од приватен карактер, но МНР на Бугарија изразува благодарност до д-р Врабевски што секогаш е подготвен да и помогне на државата, бидејќи напорите се насочени кон истата цел – развој на добрососедски односи и заштита на правата на луѓето со бугарска самосвест во РСМ.

Вања Малакова од дирекцијата „Југоисточна Европа“ истакна дека информациите што дошле од бугарскиот генерален конзулат се дека се пукало повеќе пати.

„Во моментов имаме градација со тешко кривично дело, тоа не може да не влијае на текот на билатералните односи. Од наша страна постои желба да продолжиме со позитивниот дијалог“, рече таа.

„МНР на Бугарија има ист став како и претседателот на Бугарија Румен Радев. Патот на РСМ кон ЕУ ќе продолжи, под услов да се почитуваат правата на македонските Бугари“, рече Коџабашев.



Претходна статија

Граѓаните никогаш нема да плаќаат повеќе од тоа што моментално плаќаат, порача Бектеши

Следна статија

Алијанса за Албанците: Несреќите во Ласкарци и Бугарија не добија епилог поради контролирано судство

Најново од Вести