Националната библиотека во Софија одбележува 170 години од раѓањето на бугарскиот државник д-р Константин Стоилов

Националната библиотека „Св. Кирил и Методиј“ (НБКМ) во Софија ќе ја прослави слави 170-та годишнина од раѓањето на политичарот д-р Константин Стоилов. На 19 септември во библиотеката ќе биде претставено фототипско издание во кое се комбинираат две книги – избрани „Говори“ на државникот и неговата биографија, напишана од неговата внука Ана Трнка-Чипева, информираат организаторите, јавува БТА.

Според нив, колективниот том претставува уште еден придонес на потомците за зачувување на историската меморија за животот и делото на д-р Стоилов.

Годишнината ќе биде одбележана и со изложба на книги и документи. Изложен е примерок од весник со името на државникот – „Константин Стоилов“. Станува збор за орган на Народната партија во Свиштовскиот регион, кој се печател во периодот 1905-1907 година. Доказ за трговските и дипломатските односи на Бугарија кон крајот на 19 век е претставениот трговски договор меѓу Кнежеството Бугарија и Француската Република, потпишан од бугарска страна од д-р К. Стоилов на 23 мај (4 јуни, нов стил – Б.А.) 1897 година.

Д-р Константин Стоилов е бугарски политичар и државник. Двапати бил премиер на Бугарија – во 1887 година и од 1894 до 1899 година