Националниот етнографски музеј во Софија- чувар на бугарскиот идентитет
Во 1892 година во Софија е основан Народниот музеј, еден од чиј главни оддели бил Етнографскиот. Во 1906 година овој оддел се издвојува како самостојна институција под името Народен етнографски музеј, со прв директор Димитар Маринов. Големата заслуга за неговото формирање му припаѓа на тогашниот министер за просвета, професор Иван Шишманов, јавува БНР.
Во текот на 48 години, високообразовани и посветени специјалисти го градат музејот по пример на водечките западноевропски институции. За само две децении тие создаваат богата и разновидна материјална збирка, која денес се смета за една од најзначајните на Балканот.
Во музејот работеле истакнати научници и јавни дејци како Димитар Маринов, Антон Попстоилов, Евдокија Петева-Филова, Стефан Костов, Крсто Мијатев, Христо Вакарелски, Љубомир Милетич и други. Музејската дејност привлекувала и бројни претставници на бугарската интелигенција – писатели и поети како Иван Вазов, Дора Габе и Елин Пелин, композиторот Добри Христов, сликарот Иван Мрквичка и историчарот на уметност Асен Василиев.
Националниот етнографски музеј и денес се наоѓа во поранешниот Кнежевски дворец – една од најстарите и најзначајни згради во центарот на Софија. Музејот е сместен во источното крило на палатата, каде што некогаш биле спалните, приемните и личните кабинети на царското семејство.
