Над 1000 ученици учествуваа на олимпијада по бугарски јазик во Украина
Над 1000 ученици од второ одделение до трета година средно од Бугарско-украински културно-образовен центар „Медиа“ учествуваа на олимпијада по бугарски јазик, која се одржа на 21 март, соопштија од установата, пренесува БТА.
Натпреварот се одржа во сите филијали, делумно и онлајн во Одеса и Бановка. Учениците решаваа задачи по граматика, правопис и разбирање на текст.
„Учениците покажаа одлична подготовка, знаења и силен интерес кон бугарскиот јазик. Секој учесник демонстрираше труд, упорност и стремеж кон најдобар резултат. Во олимпијадата беа вклучени 20 блиц прашања и краток есеј со тема прилагодена на возраста. Честитки до сите учесници, горди сме на нивните постигнувања“, соопштија од центарот.
Меѓу најуспешните беа ученици од повеќе населени места, вклучувајќи ги Табаки, Криничное, Владичен, Одеса, Калчева, Бановка, Рени, Василевка, Каракурт, Лвов и Нагорное.
Сите учесници добија благодарници за учество.
Центарот „Медиа“ функционира од 2017 година и е дел од програмата на бугарското Министерство за образование „Роден јазик и култура зад граница“, со мрежа од 11 филијали во Украина.
