Ќе се најде ли јунак, кој ќе го извести Мицкоски дека…?*
Facebook статус на проф. д-р Огњан Минчев
Време е некој да го извести Мицкоски, кој многу шумно се жали, дека СЕКОЈ апликант за ЕУ (а пред тоа НАТО) мора да ги реши билатералните прашања со соседите како задолжителен предуслов за преговори и полноправно членство. Секоја земја од Централна и Источна Европа мораше да ги реши спорните прашања со своите соседи пред да добие зелено светло за приклучување, за да не ги внесе овие проблеми и потенцијални конфликти во НАТО и ЕУ. Мицкоски очигледно не го знае тоа – или се прави дека не го знае. Се чини дека само дипломатската деликатност на неговите соговорници во Брисел го спречува да биде информиран за овие основни предуслови за придвижувањето на преговарачкиот процес.
Притоа, РСМ ја има не само основната одговорност за регулирање на билатералните односи пред да стане членка на ЕУ. РСМ презеде конкретни институционални заложби за решавање на билатералните проблеми со Бугарија во рамките на т.н „Француски предлог“. По доаѓањето на власт, Мицкоски ги отфрли обврските официјално преземени од неговата земја – со единствен аргумент дека тие обврски ги презеле неговите политички противници (од СДСМ). Што ако секогаш кога се менува влада, една земја става крст на претходните обврски – во каков свет ќе треба да живееме?
Тешко дека македонскиот премиер пати од таков степен на незнаење и наивност. Очигледно, тој има преземено други, нејавни заложби кон трета страна, кои го обврзуваат да најде какви било, дури и апсурдни аргументи за да не го унапреди процесот за приклучување на РСМ во ЕУ. Јас лично не можам да најдам друго разумно објаснување за оваа парадоксална ситуација.
* Насловот е на редакцијата
