Наставници од бугарската заедница во Украина и Молдавија во посета на Југозападниот универзитет во Благоевград

Југозападниот универзитет „Неофит Рилски“ во Благоевград е домаќин на тридневен воведен семинар на тема „Универзитет Неофит Рилски – интелектуална ковачница на бугарскиот југозапад“. Коорганизатор на настанот е Извршната агенција за Бугарите во странство кон Министерството за надворешни работи на Бугарија, која придонесе за учеството на семинарот на директори од вкупно 54 средни општообразовни училишта на бугарските заедници во Украина и Молдавија, како и некои од најактивните бугарски неделни училишта во регионот.

Основната цел на форумот е да ги запознае гостите со можностите што ги дава високообразовната институција за аплицирање и обука на лица со бугарско потекло кои живеат во странство, согласно уредбата 103 на бугарската Влада од 1993 година.

Работилниците со деканите на одделните факултети ќе даваат информации за специјалностите и структурата на Југозападниот универзитет во Благоевград.

Форумот започна со поздравни обраќања од името на проф.д-р Иванка Станкова, директор на Дирекцијата „Научни и образовни програми“ и извршната директорка на Извршната агенција за Бугарите во странство Рајна Манџукова, јавува ИАБЧ.