НОВ ЗЕЛАНД БЕСПЛАТНО ЌЕ ГО ВАКЦИНИРА ЦЕЛОТО НАСЕЛЕНИЕ

//

Нов Зеланд ќе почне бесплатно да ја вакцинира целата популација до средината на следната година, објави премиерката Џасинда Ардерн.

Владата соопшти дека обезбедила доволно вакцини за сите 5 милиони жители, а биле потпишани договори со фармацевтските компании „Астра зенека“ и „Новавакс“.

Договорите обезбедуваат 7,6 милиони дози на „Астра зенека“ и 10,72 милиони на „Новавакс“, што е доволно за повеќе од 9 милиони луѓе, имајќи предвид дека и двете вакцини се примаат во две дози, пишува „Ројтерс“.

„Тоа ќе биде најголемата имунизација во историјата на Нов Зеланд“, рече Ардерн на прес-конференција.

Таа објасни дека во првата половина на годината ќе бидат вакцинирани граничарите и припадниците на спасувачките служби, а во втората половина сите жители.



Датумите за испорака, сепак, не можат да се гарантираат со оглед на високата побарувачка за вакцини, особено во земјите кои се борат со голем број заразени и починати лица.

Нов Зеланд е меѓу ретките земји кои успеаја да го спречат ширењето на коронавирусот.

Претходна статија

НОВИ 40 КОВИД-ПАЦИЕНТИ ХОСПИТАЛИЗИРАНИ ВО СКОПЈЕ ЗА 24 ЧАСА

Следна статија

ПОЧНА ВАКЦИНАЦИЈАТА ВО ДОМОВИТЕ ЗА СТАРИ ЛИЦА ВО САД

Најново од Вести