Нови бесплатни медицински прегледи во Мала Преспа со поддршка од Фондацијата „Бугарска Памет“ и д-р Милен Врабевски

По големиот интерес за бесплатните медицински прегледи што се одржаа во месец септември во Мала Преспа, Албанија, организирани и финансирани од Фондацијата „Бугарска Памет“ и д-р Милен Врабевски, наскоро ќе се одржи нова серија хуманитарни активности со проширен опсег на специјалности, јавуваат од Фондацијата.

Во претстојната мисија ќе бидат вклучени прегледи по мамологија, урологија, УНГ (уши, нос и грло), офталмологија и неврологија. Како и во претходните изданија, во тимот ќе учествуваат едни од најдокажаните бугарски медицински специјалисти од три водечки здравствени установи во Бугарија, под раководство на проф. Иван Гаврилов.

Оваа активност претставува четврта по ред хуманитарна мисија во регионот на Мала Преспа и е дел од долгорочната стратегија на Фондацијата „Бугарска Памет“ за поддршка и унапредување на животот на локалното население. Мисијата има за цел да обезбеди пристап до квалитетна здравствена грижа и превентивни прегледи за жителите на овој регион, кои често немаат редовен пристап до специјализирани медицински услуги.

Од Фондацијата изразија благодарност до сите кои учествувале и покажале доверба во иницијативата, најавувајќи дека активностите ќе продолжат и во иднина со истата посветеност и човечност.