Од ноќеска на полноќ поскапуваат дизелот и ЕУРОСУПЕР БС-98
Регулаторната комисија за енергетика ги објави новите цени на нафтени деривати. Од ноќеска на полноќ цената на ЕУРОСУПЕР БС-95 останува иста, цената на ЕУРОСУПЕР БС-98 се зголемува за половина денар, а цената на дизелот за еден денар. Со тоа малопродажната цена на бензинот ЕУРОСУПЕР БС-95 останува 65,50 денари за литар, на бензинот еуросупер БС-98 се зголемува за половина денар на 67,50 денари за литар.
Цените на ЕУРОДИЗЕЛ (Д-Е V) и на екстра лесното масло за домаќинство се зголемуваат за еден денар, и со тоа новата цена на дизелот изнесува 58 денари за литар, додека малопродажната цена на екстра лесното масло за домаќинство изнесува 46,50 денари за литар.
Малопродажната цена на мазутот М-1 НС се зголемува за 0,253 денари за килограм на 28,109 денари.
