Од применета уметност во Софија до Сорбона

Во програмата „Добра вечер, Софија“ се среќаваме со младата, талентирана и амбициозна Аксел Добрева. Таа ги следи своите соништа без да сопре и тие  ја носат во Сорбона – Париз, каде моментално е студент по уметност.

Аксел Добрева ги направи своите први чекори во светот на уметноста уште на многу рана возраст. Со сликање почнала на 5-годишна возраст, а на 9-годишна возраст веќе ја имала првата самостојна изложба во центарот на Софија, за што добила целосна поддршка од родителите. Уште тогаш нејзините слики биле ценети и купувани од колекционери. Тогаш таа разбира дека може да слика.

И денес таа е убедена дека: „Сè е можно во овој живот, сè додека сте мотивирани да го работите она што го сакате, без да размислувате што ќе ви донесе повеќе приходи“.

„Не е мит дека е тешко да се влезе во Сорбона, за некои специјалности има над 7-8 илјади пријавени од целиот свет. Само треба да имаш малку среќа, малку портфолио и да веруваш“, откри Аксел Добрева и додаде:

„Моќта на мислата е голема работа и ако верувате дека тоа е многу веројатно да се случи. Кога заминав за Франција имав идеја да студирам „Моден дизајн“, но на Сорбона таква насока не постои, освен за науки, литература и слично“, вели Аксел.

Започнала да студира на престижниот универзитет како почетна „Историја на уметноста“ со цел да го надгради своето знаење во ликовната уметност. Денеска нејзина специјалност е „Театар, уметност и медиуми“, која опфаќа работилници за глума, сценографија и режија. Теоретскиот дел опфаќа Историја на киното, театарот и медиумите.

За нејзините идни планови таа споделува: „Ќе создавам уметност за светот бидејќи мислам дека ова е мојата животна определба“.

Фото: Радио Софија