ОД УТРЕ ПОЛИЦИСКИ ЧАС ВО ЧЕШКА ПОРАДИ КОВИД-19

Чешката влада донесе одлука за воведување 7-дневен полициски час во земјата од утре до 3 ноември, од 21 до 5 часот наутро. Според одлуката, дополнително ќе се ограничи работата на продавниците за малопродажба.

loading...

Продавниците во малопродажба, кои продолжуваат да работат според сегашните ограничувања, мора да бидат затворени до 20 часот и во недела, со исклучок на бензинските пумпи и аптеките.

„Полицискиот час ќе биде во сила од 28 октомври до 3 ноември, од 21 до 5 часот наутро“, рече министерот за здравство, Роман Примула, по состанокот на владата, наведувајќи дека во исклучоците спаѓаат службени патувања и неопходни семејни посети.


loading...

Чешка викендов објави дека на дневна основа има 12.472 нови случаи на коронавирус, а 106 лица починаа како последица од Ковид-19.