ОДБЕЛЕЖУВАМЕ СЕДУМ ГОДИНИ ОД СМРТТА НА ЕДЕН ОД НАЈМУДРИТЕ АКТЕРИ НА МАКЕДОНСКАТА ПОЛИТИЧКА СЦЕНА- АРБЕН ЏАФЕРИ

Поминаа 7 години од смртта на големиот политичар и лидер на Албанците во Македонија, Арбен Џафери. За неговата улога во историјата на Р. Македонија од независноста досега, ќе се произнесат историчарите во иднина. Едно е сигурно на 15 август 2012 г. Македонија загуби еден голем интелектуалец и политичар од светски ранг, кој работеше за рамноправноста на сите македонски граѓани без исклучок.

Арбен Џафери е роден во Тетово на 24 јануари 1948 година. Завршил Филозофски факултет. До 1990 работел како главен уредник на Културната програма на Радио и телевизија Приштина. Основач и прв претседател е на Демократската партија на Албанците до 2007 година, кога е наследен од Мендух Тачи. На вторите парламентарни избори во Македонија бил избран како независен пратеник (1994), а потоа како пратеник на ДПА. Неговата партија е дел од коалиционите влади предводени од ВМРО-ДПМНЕ во периодите 1998-2002, и 2006-2008 г. Потписник е на Охридскиот рамковен договор со којшто се става крај на вооружениот конфликт во Македонија од 2001 г. Во 2007 г. поради здравствени причи Арбен Џафери се повлекува од активната политика.