Оригиналот на Панаѓурското златно богатство се враќа во Панаѓуриште по повод 150-годишнината од Априлското востание
Оригиналот на Панаѓурското златно богатство ќе биде изложено во Панаѓуриште од 1 април до 17 мај, по повод одбележувањето на 150-годишнината од Априлското востание, јавува бугарскиот дневен весник 24 часа. Експонатите ќе може да се видат во салата „Трезор“ на Историскиот музеј во градот, каде во текот на остатокот од годината е изложена негова копија.
Панаѓурското богатство претставува тракиски сет составен од девет златни садови со вкупна тежина од 6,164 килограми. Тоа било откриено на 8 декември 1949 година, на околу два километри од Панаѓуриште. Сетот вклучува ритони, кани, амфора и фиала, а се датира од крајот на IV и почетокот на III век пред нашата ера. Садовите се украсени со претстави на антички божества и херои, како и сцени со митолошки суштества.
Враќањето на оригиналот оваа година се совпаѓа со чествувањата по повод 150-годишнината од Априлското востание. Неговото последно претставување во градот беше во септември минатата година.
