|

ПАЛЕСТИНСКИОТ ПРЕТСЕДАТЕЛ СЕ НАДЕВА НА СРЕДБА СО ПУТИН ВО ЈУНИ

Претседателот на Палестина, Махмуд Абас, очекува да оствари билатерална средба со рускиот претседател, Владимир Путин, на маргините од состанокот за соработка и мерки за доверба во Азија во Душанбе на 15 јуни, изјави палестинскиот министерот за надворешни работи, Ријад ал Малики, во интервју за ТАСС.

„Очекувам дека тоа ќе се случи следниот месец во Таџикистан, каде што ќе се одржи самит за соработка и мерки за доверба во Азија.Колку што знаеме, претседателот Путин ќе учествува на самитот, а и нашиот претседател ќе биде таму. Ние работиме на организирање на нивниот состанок за време на самитот”, рече тој.

Кремљ официјално не објави дека Путин планира да се состане со Абас во Душанбе.

Ријад ал Малики потврди дека неговата последна средба со рускиот министер за надворешни работи, Сергеј Лавров, се одржала пред две недели на маргините на Форумот за соработка меѓу Русија и Арапската лига.

„Разговаравме за ситуацијата во Палестина, израелската позиција на т.н. окупирани територии и очекуваниот ‘договор на векот’ (предлогот на САД за палестинско-израелското населба)”, рече Ал Малики.

За него било особено важно зшто Лавров потврдил дека руската страна нема да го признае т.н. ‘договор на векот’ ако ги крши претходно постигнатите мултилатерални договор.

„Руските претставници објаснија дека нивната позиција се совпаѓа со ставот на ОН, со резолуциите на Советот за безбедност и Генералното собрание и очекуваат и другите држави да ги почитуваат”, истакна Ал Малики.

Извор: Макфакс



Слични Објави