Педагошкиот факултет на Софискиот универзитет е партнер во меѓународен проект во рамките на програмата Еразмус +

Во јануари 2025г. започна проектот UPRISE во рамките на програмата Еразмус+, кофинансиран од Европската Унија, а во него како партнер ќе учествува Педагошкиот факултет на софискиот универзитет „Св. Климент Охридски“. Проектот е насочен кон подобрување на религиозната вклученост во грчките државни училишта и е предводен од Националниот и Каподистрискиот универзитет во Атина, објави прес-центарот на Софискиот универзитет.

Меѓународниот конзорциум здружува во партнерство научници од Националниот и Каподистрискиот универзитет во Атина, од софискиот универзитет „Св. Климент Охридски“, од Демокритскиот универзитет во Грција и од Универзитетот „Стефан чел Маре“ од Романија.

Учеството на Софискиот универзитет во овој проект е признание за стручноста на предавачите од областа на педагогијата и интеркултурното образование. Се очекува дека резултатите од UPRISE ќе имаат значително влијание врз образовните практики во Грција и ќе придонесат за создавање на поинклузивна и толерантна образовна средина.

Главните цели на проектот вклучуваат развој на наставни материјали, алтернативни наставни програми и стратегии во училницата за поддршка на религиозната вклученост. Ќе има обезбедена обука, ресурси и менторство за наставниците кои работат во мултикултурни средини.

Планирано е да се дадат препораки за промени на политиките засновани на научни истражувања, со цел да се создаде сеопфатна рамка за религиозна вклученост, како и да се промовира меѓукултурното разбирање и граѓанскиот ангажман преку дијалог и соработка, забележуваат од Софискиот универзитет.

Фото: БТА