Пендаровски со ученици, добитници на медали на 29-тата Балканска олимпијада по информатика

/

Претседателот Стево Пендаровски денеска го прими тимот ученици коишто постигнаа значајни успеси на 29-тата Балканска олимпијада по информатика што се одржа во Букурешт, Романија.

На олимпијадата учествуваа информатичари кои се издвоиле како најдобри на годишните национални натпревари во програмирање реализирани во 12 балкански држави. Во неофицијална конкуренција, пак, како претставници на земји гости, учествуваа и ученици од Италија, Унгарија, Украина и Швајцарија.

Во оваа исклучително сериозна конкуренција составена од 42 талентирани средношколци, сребрениот медал го освои Благојче Павлески од Прилеп, додека пак бронзениот медал му припадна Тео Китановски од Скопје. Во рамки на балканската олимпијада, на паралелно организираниот РМИ интернационален турнир, меѓу 168 натпреварувачи од 16 држави, Благојче Павлески се закити со златен медал, а Тео Китановски со бронзен.

Учениците го запознаа претседателот Пендаровски со нивните импресии од годинашната олимпијада, споделувајќи ги стекнатите искуства произлезени од комуникацијата со другите натпреварувачи во Романија.



Упатувајќи честитки до информатичарите, претседателот Пендаровски нагласи дека нивниот индивидуален и тимски успех е гордост за целата држава, но и поттик за сите млади луѓе да го следат својот сон и да се стремат кон слични подвизи. Во тој контекст ја нагласи важноста на ваквите меѓународни натпревари, коишто се одлична можност да се промовира квалитетот и исклучителната посветеност на младите од Република Македонија.

БОИ 2022 се одржа во организација на Здружението за извонредност и изведба во информатиката и Министерството за образование на Романија. Учеството на македонските информатичари на годинашната олимпијада беше логистички поддржано од страна на Кабинетот на претседателот Пендаровски.

Претходна статија

АА: Најстрого да се казнат нападите врз медиумските работници

Следна статија

Дојава за поставени бомби во пет скопски средни училишта

Најново од Вести

Историскиот музеј во Благоевград ќе претстави две монографии, за ВМРО и за улогата на активните жени во бугарските заедници во Македонија и Одринска Тракија

Во Регионалниот историски музеј – Благоевград денеска ќе бидат претставени две монографии на д-р Елена Александрова,