Петнаесетгодишната Ели го освои врвот Мусала, Викторија за првпат го видe морето

Ели има само 15 години и до вчера не смеела ни да сонува дека ќе се искачи на највисокиот врв на Балканот – Мусала. Таа не може да оди, но благодарение на проектот „Активни денес“, реализиран со поддршка на Министерството за млади и спорт на Бугарија, нејзиниот сон станал реалност, пишува Пиринско.

Во текот на една година, со помош на донатори, поддржувачи и тим од волонтери, беа создадени услови Ели да го доживее својот сон. Патувањето започнало од Националниот дворец на културата во Софија на 21 септември, каде што со шарена музичка програма, специјализиран транспорт и посветен тим, таа беше испратена кон височините на Рила, придружувана од својата мајка Јана Димитрова.

Истовремено, кон хоризонтот на Созопол тргна и Викторија Предева, 20-годишно девојче со церебрална парализа, која за првпат вчера го допре морето. Благодарение на волонтерите од „Активни денес“ и специјална инвалидска количка обезбедена преку проектот, нејзиниот сон исто така стана реалност.

Двете девојчиња ќе поминат седум дена на планина и море со богата програма од активности, кои имаат цел да го поттикнат активниот и исполнет живот кај лицата со попречености.

Иницијативата претставува уште еден добар пример за успешна соработка меѓу „Активни денес“, институциите, граѓанското општество, корпоративниот сектор и познати личности кои ја поддржуваат каузата.