Пијанистот Јусуке Хосака со концерт „Музички мост меѓу Јапонија и Бугарија“ во Кофу
Пијанистот Јусуке Хосака на 25 септември во Кофу, префектура Јаманаши, ќе одржи рецитал под наслов „Музички мост меѓу Јапонија и Бугарија“, соопшти Амбасадата на Бугарија во Токио, јавува БТА.
На концертот во „Kingswell Hall“ ќе бидат изведени дела од Фредерик Шопен, Франц Лист и бугарскиот композитор Панчо Владигеров. Специјални гости ќе бидат виолинистката Мика Асакава и виолончелистот Такефуми Асакава.
Хосака студирал пијано кај проф. Жени Захариева, а на Националната музичка академија „Проф. Панчо Владигеров“ во Софија одбранил докторска дисертација посветена на творештвото на бугарскиот композитор.
Според бугарската амбасада, пијанистот ја популаризира бугарската класична музика во Јапонија и повеќепати изведувал дела од бугарски композитори пред јапонската публика.
