Пловдивската опера гостува во Скопје со две балетски претстави
„Долгата Божиќна вечера“ и „Жени во де-мол“ се танцови претстави во еден чин на балетскиот состав на Пловдивската опера, кои вечерва ќе бидат претставени пред публиката на Националната опера и балет на Република Северна Македонија во Скопје со помош на Бугарскиот Културно Информативен Центар во Скопје.
„Долгата Божиќна вечера“ е заснована на истоимената пиеса на Торнтон Вајлдер и музика од Вивалди, а „Жени во де-мол“ по мотиви од „Домот на Бернарда Алба“ на Федерико Лорка и музика на Бах.
