Поранешната шефица на бугарската дипломатија Марија Габриел е назначена за помошник генерален директор на УНЕСКО

Поранешната шефица на бугарската дипломатија Марија Габриел беше назначена на функцијата помошник генерален директор во УНЕСКО. Таа го презема ресорот „Комуникација и информации“ во рамките на меѓународната организација за образование, наука и култура. Бугарската влада изразила силна поддршка за нејзината кандидатура, јавува БГНЕС.

Марија Габриел е родена на 20 мај 1979 година во Гоце Делчев. Таа има завршено додипломски студии по „Бугарски и француски јазик“ на Пловдивскиот универзитет, како и магистерски студии по „Компаративна политика и меѓународни односи“ на Докторската академија за политички науки во Бордо.

Габриел има долгогодишно искуство во европските институции. Од 7 јули 2017 година до 1 декември 2019 година таа беше еврокомесар за дигитална економија и општество во Европската комисија со претседател Жан-Клод Јункер. На 1 декември 2019 година беше избрана за еврокомесар за иновации, научни истражувања, култура, образование и млади, овојпат под раководство на Урсула фон дер Лајен.

Во 2023 година таа ја напушта функцијата во Европската комисија по номинација за кандидат за премиер од ГЕРБ, но не добива поддршка.